mánudagur, 21. júní 2021
 
TölublöðVenjuleg útgáfa

Skinney-Þinganes kaupir Auðbjörgu ehf. í Þorlákshöfn

31. ágúst 2015 kl. 11:09

Frá saltfiskvinnslu Auðbjargar.

Háð fyrirvörum um samþykki Samkeppniseftirlitsins

Samkomulag hefur verið gert um kaup Skinneyjar-Þinganess hf. á Höfn í Hornafirði á öllum hlutabréfum í Auðbjörgu hf., Þorlákshöfn. Samkomulagið er með fyrirvörum m.a. um samþykki Samkeppniseftirlitsins.

Eftir kaupin, ef af þeim verður, mun Skinney-Þinganes hf. verða með starfsemi á Höfn og í Þorlákshöfn. Með þessu hyggst Skinney-Þinganes hf. styrkja sig í sessi sem eitt öflugasta sjávarútvegsfyrirtæki landsins og treysta enn frekar fjölbreyttan rekstur í útgerð, fiskvinnslu og sölu sem byggst hefur upp á undanförnum árum, að því er segir í frétt á heimasíðu fyrirtækisins.

 

Auðbjörg ehf. hefur frá stofnun árið 1970 verið með starfsemi í Þorlákshöfn. Fyrirtækið hefur undanfarin um tuttugu og fimm ár keypt skip og aflaheimildir til að styrkja rekstur fyrirtækisins. Þrátt fyrir kaup veiðiheimilda hefur fyrirtækinu ekki tekist að halda í við skerðingu á þeim veiðiheimildum er fyrirtækið ræður yfir. Það er mat eigenda að rétt sé og tímabært að koma fyrirtækinu í hendur traustra aðila sem hafa það að markmiði að halda áfram starfsemi fyrirtækisins í Þorlákshöfn.