sunnudagur, 17. nóvember 2019
 
TölublöðVenjuleg útgáfa

Skotar mótmæla kvótaframsali

16. maí 2011 kl. 11:37

Fiskibátur við Skotland.

Tillaga ESB um kvótaframsal milli landa talin geta rústað skoskum sjávarplássum.

Sjávarútvegsráðherra Skotlands, Richard Lochhead, hefur fordæmt tillögur sem framkvæmdastjórn Evrópusambandsins ætlar að leggja fram í júní þess efnis að heimilt verði að framselja aflakvóta milli landa innan ESB. 

Ráðherrann segir að verði þessar tillögur að veruleika muni þær rústa skoskum sjávarbyggðum. Stórútgerðir í öðrum löndum muni þá geta keypt upp aflaheimildirnar og svipt skoska sjómenn réttinum til þess að nýta fiskistofnana í eigin lögsögu.

Lochhead krefst þess að valdið til þess að taka slíkar ákvarðanir verði fært aftur til einstakra aðildarríkja í stað þess að fela það skriffinnum sambandsins.

Frá þessu er skýrt á sjávarútvegsvefnum Fis.com