Aðrir ljósmyndarar
Grjótkrabbi. (Mynd: Marinó F. Pálsson)
fimmtudagur, 12. desember 2019
Stafar ógn af framandi lífverum?
Grjótkrabbi, sandrækja, flundra og sagþang gætu kallast ágengar eða skaðlegar.
„Á undanförnum árum hefur fjöldi framandi sjávarlífvera við Ísland aukist mikið. Í flestum tilfellum eru þetta sömu tegundir og hafa fundist í Evrópu. Aðeins fáar af tegundunum er hægt að kalla ágengar eða skaðlegar, en í því sambandi mætti þó nefna grjótkrabba, sandrækju, flundru og sagþang,“ segir á vef Hafrannsóknastofnunar.
Og áfram segir:
„Líklegast er að megnið af framandi sjávartegundum hafi borist til landsins með kjölfestuvatni skipa. Flestar þessara tegunda fundust fyrst við Suðvesturland sem skýra má með tíðum ferðum flutningaskipa á svæðið, hæsta hitastigi í sjó við landið og því að líklega er þetta það svæði við landið sem mest hefur verið rannsakað.“
Í málstofu Hafrannsóknastofnunar næstkomandi fimmtudag mun Guðrún Þórarinsdóttir flytja erindi um þetta mál sem nefnist: Framandi sjávarlífverur við Ísland. Erindið verður flutt kl. 12:30 í fundarsal á fyrstu hæð að Skúlagötu 4.
Sjá nánar á vef Hafrannsóknastofnunar.