þriðjudagur, 28. september 2021
 
TölublöðVenjuleg útgáfa

Starfshópur um stjórn fiskveiða

4. október 2013 kl. 15:18

Togveiðar

Skal vinna á þeim grunni sem sáttanefndin lagði á sínum tíma.

Sigurður Ingi Jóhannsson, sjávarútvegs- og landbúnaðarráðherra hefur sett af stað vinnu við samningu frumvarps um breytingu á lögum um stjórn fiskveiða. Til að aðstoða við þá vinnu hefur hann sett á fót ráðgjafahóp, hann skipa: Karl Axelsson lögmaður, Lúðvík Bergvinsson lögmaður, Kristín Haraldsdóttir forstöðumaður Auðlindaréttarstofnunar lagadeildar HR, Arnór Snæbjörnsson lögfræðingur í atvinnuvega- og nýsköpunarráðuneytinu og Helga Sigurrós Valgeirsdóttir aðstoðarmaður ráðherra, sem jafnframt mun stýra vinnu hópsins.

Í frétt á vef ráðuneytisins segir að markmiðið er að ná niðurstöðu sem byggist á þeirri breiðu sátt ólíkra aðila sem náðist í starfi sáttanefndarinnar svonefndu sem skilaði áliti haustið 2010. Fram hafi komið ýmis sér sjónarmið um einstök atriði við útfærslu samningaleiðarinnar og verði leitast við að  gæta þeirra eftir því sem kostur sé. Sá hópur sem hér sé greint frá muni fjalla um samningahlutann; það er um réttinn til nýtingu aflaheimilda.

Samhliða þessu sé unnið að útfærslu á gjaldtöku, með veiðigjöldum, fyrir nýtingu af auðlindinni. Samráð verði haft við hagsmunaaðila eftir því sem vinnunni vindi fram og Alþingi á vettvangi atvinnuveganefndar.