föstudagur, 18. júní 2021
 
TölublöðVenjuleg útgáfa

Strandveiðiaflinn yfir 2.000 tonn

10. júní 2015 kl. 16:05

Höfnin á Arnarstapa. (Mynd/Fiskifréttir: HAG)

Tæplega 500 bátar hafa landað afla á árinu.

Þrátt fyrir afar slæma tíð hafa strandveiðar skilað 2.060 tonna afla frá því þær hófust 4. maí.  Eins og sl. sumur er mest þátttaka í veiðunum á svæði A (Arnarstapi - Súðavík), þar hafa 206 bátar hafið veiðar. Þetta kemur fram á vef LS. 

Alls hafa 496 bátar verið á strandveiðum og hafa þeir farið í alls 3.780 róðra.  Meðaltalsafli í róðri er 545 kg.

Í maí voru dagatakmarkanir aðeins á svæði A, en þar mátti róa 9 daga af þeim 14 sem í boði voru.  Að loknum 6. degi strandveiða í júní hafa strandveiðar því staðið yfir í 75 daga og er afli á hvern dag yfir öll svæðin að meðaltali 129 tonn.

Það sem af er júní er búið að nýta 31% heimilda mánaðarins á svæði A, en á öðrum svæðum eru nægar veiðiheimildir eftir. 

Sjá töflu um gang veiðanna á vef LS.