laugardagur, 6. júní 2020
 
TölublöðVenjuleg útgáfa

Sturla GK fær einkennisliti sína

17. maí 2020 kl. 13:00

Myndir/Óskar P. Friðriksson

Það var Óskar P. Friðriksson, ljósmyndari í Vestmannaeyjum, sem hefur fylgst með umbreytingu skipsins að undanförnu og deildi myndum sínum með Fiskifréttum.

Hjá Skipalyftunni í Vestmannaeyjum hefur gamla Vestmannaey dvalið undanfarna daga þar sem starfsmenn fyrirtækisins hafa málað skipið í litum nýs eiganda. Skipið, sem hefur hlotið heitið Sturla GK 12, var keypt nýlega af Þorbirninum í Grindavík, en hét tímabundið Smáey og var meðal annars á veiðum undir leigusamningi við Samherja.

Það er viðhaldsdeild fyrri eiganda, Bergs-Hugins, og Skipalyftunnar sem sjá um allt viðhald og að koma skipinu í gegnum skoðun áður en það verður afhent nýjum eiganda, jafnvel svo snemma sem í næstu viku.

Nýir eigendur stefna að því að Smáey verði gerð út frá Grindavík en verði hugsanlega einnig við veiðar að sumarlagi fyrir norðan land. Fari svo verður aflanum keyrður til Grindavíkur til vinnslu.

Skipið var smíðað árið 2007 í Póllandi og hefur reynst afar vel. Nýja Vestmannaey var hluti af sjö smíða samningi fjögurra íslenskra útgerða og kom til landsins í júlí í fyrra.