fimmtudagur, 19. september 2019
 
TölublöðVenjuleg útgáfa

Sturla, Guðrún, Síldarvinnslan og HB Grandi meðal vinningshafa

23. september 2011 kl. 09:40

Merki Íslensku sjávarútvegssýningarinnar

Íslensku sjávarútvegsverðlaunin afhent í gærkvöldi.

Íslensku sjávarútvegsverðlaunin 2011 voru afhent við athöfn í Gerðasafni í Kópavogi í gærkvöldi. Að verðlaununum standa Íslenska sjávarútvegssýningin, Fiskifréttir og tímaritið World Fishing.

Sturla Þórðarsson skipstjóri í Neskaupstað hlaut verðlaunin í flokknum Framúrskarandi fiskimaður.

HB Grandi var fyrir valinu í flokknum Framúrskarandi útgerð.

Síldarvinnslan var verðlaunahafi í flokknum Framúrskarandi fiskvinnsla.

Guðrún Lárusdóttir framkvæmdastjóri Stálskipa í Hafnarfirði fékk verðlaunin í flokknum Framúrskarandi framlag til íslensks sjávarútvegs.

Hampiðjan varð fyrir valinu í flokknum Framúrskarandi íslenskur framleiðandi – Veiðar (stærri fyrirtæki). Fyrirtækið fékk einnig verðlaunin í flokknum Besta nýja varan á sýningunni.

Trefjar hlaut verðlaunin í flokknum Framúrskarandi íslenskur framleiðandi – Veiðar (smærri fyrirtæki).

Héðinn fékk verðlaunin í flokknum Framúrskarandi íslenskur framleiðandi – Fiskivinnslubúnaður.

Vélfag á Ólafsfirði hlaut verðlaunin í flokknum Framúrskarandi íslenskur framleiðandi – fiskvinnslubúnaður (smærri fyrirtæki).

Marel varð fyrir valinu í flokknum Framúrskarandi framleiðandi á heildina séð.

Sjóvá fékk verðlaun fyrir besta sýningarbásinn af minni gerðinni.

Skeljungur hlaut verðlaun fyrir besta sýningarbásinn af stærri gerðinni.

Danski hópsýningarbásinn var talinn sá besti.

Amerro Engineering hlaut verðlaunin í flokknum Framúrskarandi alþjóðlegur framleiðandi - Veiðar (minni  fyrirtæki).

Transas varð fyrir valinu í flokknum Framúrskarandi alþjóðlegur framleiðandi - Veiðar ( stærri fyrirtæki)

Nock Maschinenbau fékk verðlaunin í flokknum Framúrskarandi alþjóðlegur framleiðandi - Fiskvinnslubúnaður (minni fyrirtæki.

Baader hlaut verðlaunin í flokknum Framúrskarandi alþjóðlegur framleiðandi - Fiskvinnslubúnaður (stærri fyrirtæki).