mánudagur, 21. júní 2021
 
TölublöðVenjuleg útgáfa

Sumarloðnuveiðar norskra skipa heimilaðar

12. júlí 2011 kl. 14:07

Loðna

Norðmenn mega veiða alls um 95 þúsund tonn af loðnu úr íslenska stofninum

Norsk stjórnvöld hafa gefið út heildarkvóta fyrir norsk skip úr íslenska loðnustofninum en veiðar úr honum máttu hefjast 8. júlí síðastliðinn í grænlensku lögsögunni og í norsku lögsögunni við Jan Mayen, að því er fram kemur á vef norskra útvegsmanna. Engar sögur eru hins vegar af því hvort norsk skip séu í startholunum að hefja þessar veiðar.

Norsk skip mega veiða í hringnót alls um 95 þúsund tonn af loðnu úr íslenska loðnustofninum. Þar af má veiða að hámarki 49 þúsund tonn í íslensku lögsögunni og að hámarki 59 þúsund tonn í grænlensku lögsögunni. Veiðarnar máttu hefjast 8. júlí við Grænland og Jan Mayen eins og að framan greinir. Veiðar við Ísland mega hins vegar ekki hefjast fyrr en 1. október í haust þar sem bann við sumarloðnuveiðum gildir í íslensku lögsögunni.