miðvikudagur, 11. desember 2019
 
TölublöðVenjuleg útgáfa

Tæp 140 tonn veidd á stangveiðimótum

4. nóvember 2013 kl. 16:02

Sjóstöng.

Haldin voru 16 sjóstangveiðimót í ár. Þorskur um 82% af aflanum

Haldin voru 16 sjóstangveiðimót í ár samkvæmt upplýsingum á vef Fiskistofu og eru þá bæði talin innafélagsmót og mót milli sjóstangaveiðfélaga.

Afli sem veiddist á mótunum var rúmlega 136 tonn og var uppistaða hans þorskur, eða 82%.  

Samkvæmt lögum er ráðherra heimilt að ákveða árlega að á tilteknum fjölda opinberra sjóstangaveiðimóta teljist afli ekki til aflamarks eða krókaaflamarks.

Afla þessara móta er ekki heimilt að fénýta til annars en að standa straum af kostnaði við mótshaldið. Fiskistofa fær upplýsingar um þau mót sem heimilt er að halda undir þessum formerkjum og safnar og skráir upplýsingar um afla þeirra.