miðvikudagur, 25. nóvember 2020
 
TölublöðVenjuleg útgáfa

Þórsarar björguðu hval úr veiðarfærum fiskibáts

22. apríl 2020 kl. 15:23

Eftir að hvalurinn var laus fylgdi áhöfnin honum eftir á léttbát til að ganga úr skugga um velferð dýrsins. Mynd/LHG

Eftir að hafa verið skorinn úr veiðarfærum bátsins virtist hvalurinn hinn hressasti og var frelsinu feginn.

Áhöfninni á varðskipinu Þór tókst að bjarga hval sem festist í veiðarfærum fiskibáts suður af Langanesi í morgun.

Þetta kemur fram í tilkynningu frá Landhelgisgæslunni, en þar segir jafnframt:

„Stjórnstöð Landhelgisgæslunnar barst tilkynning um málið á ellefta tímanum og var Matvælastofnun strax gert viðvart. Varðskipið Þór, sem var í grenndinni, var kallað út og sent á vettvang. Áhöfnin á Þór hóf björgunarstörf í samráði við MAST þegar á staðinn var komið. Skömmu siðar tókst að losa hvalinn úr veiðarfærum fiskibátsins. Eftir að hvalurinn var laus fylgdi áhöfnin honum eftir á léttbát til að ganga úr skugga um velferð dýrsins. Þegar öll veiðarfæri voru aftur komin um borð í fiskibátinn og ljóst að ekkert varð eftir á hvalnum, gat áhöfn Þórs haldið aftur um borð í varðskipið. Hvalurinn virtist hinn hressasti og var frelsinu feginn.“