fimmtudagur, 19. september 2019
 
TölublöðVenjuleg útgáfa

Þorskframboð eykst um 42% á þremur árum

3. febrúar 2011 kl. 11:14

Þorskur í trollpoka. (Mynd: Þorgeir Baldursson)

Gert er ráð fyrir að 1,1 milljón tonna af þorski veiðist í Atlantshafi á þessu ári.

Framboð á þorski úr Atlantshafi verður 42% meira í ár en það var fyrir þremur árum. Gert er ráð fyrir að 1,1 milljón tonna af þorski veiðist á þessu ári og hefur aflinn ekki orðið meira á þessari öld. Aukningin er yfir 300 þúsund tonn frá árinu 2008, fyrst og fremst vegna kvótaaukningar í Barentshafi.

Það á eftir að koma í ljós hvaða áhrif þetta aukna framboð hefur á markaðinn. Hliðstæð þróun hefur orðið í ýsuveiði í Atlantshafi, hún hefur aukist um 38% á þessum tíma.

Hins vegar hefur orðið samdráttur í innflutningi til Evrópu á þorskafurðum unnum í Kína á síðustu tveimur árum.

Þetta kom fram í erindi Helga Antons Eiríkssonar forstjóra Iceland Seafood International á markaðsdegi fyrirtækisins fyrir skemmstu.

Greint er nánar frá málinu í Fiskifréttum sem komu út í dag.