mánudagur, 9. desember 2019
 
TölublöðVenjuleg útgáfa

Þorskurinn helmingur aflaverðmætis í janúar

9. maí 2018 kl. 09:09

Þorskur á ís.

Aflaverðmæti íslenskra skipa úr sjó nam 9,3 milljörðum króna í janúar.

Hagstofa Íslands birtir frétt þar sem þetta kemur fram.

Eins að verðmæti botnfiskaflans var um 6,8 milljarðar króna og þar af var verðmæti þorskaflans rúmir 4,6 milljarðar. Aflaverðmæti uppsjávartegunda var um 1,9 milljarðar króna og var það svo til eingöngu loðna. Verðmæti flatfiskafla voru tæplega 570 milljónir króna, og verðmæti skelfiskafla nam 15,4 milljónum.

Á 12 mánaða tímabili frá febrúar 2017 til janúar 2018 nam aflaverðmæti úr sjó rúmum 117 milljörðum króna, sem er 6,3% samdráttur miðað við sama tímabil ári fyrr.