mánudagur, 21. júní 2021
 
TölublöðVenjuleg útgáfa

Þurrkuð loðna til Afríku

22. maí 2014 kl. 12:51

Þurrkaðar sardínur eru mest seldar á götumörkuðum í Kenía en hugmyndin er að loðnan verði seld í stórmörkuðum og því dýrari vara. (Mynd: Odoli)

Tilraunir gerðar með þurrkaða loðnu á Keníamarkað

Doktorsnemi frá Kenía er í samvinnu við Matís og Sjávarútvegsskóla Háskóla Sameinuðu þjóðanna að gera tilraunir með að þurrka og reykja loðnu sem ætluð er til sölu í stórmörkuðum í heimalandi hans. Þetta kemur fram í nýjustu Fiskifréttum. 

Frumkönnun á sölumöguleikum lofar góðu og svo virðist sem neytendur í Kenía séu tilbúnir til að borga hærra verð fyrir þurrkaða loðnu en þurrkaðar sardínur sem eru ríkjandi á markaði þar. 

„Verkefni felst í að bera saman þurrkun og reykingu á loðnu á Íslandi og sardínu í Kenía sem veidd er í Indlandshafi. Hugmyndin er að skapa markað fyrir þurrkaða og reykta loðnu samhliða sardínu í Kenía og víðar í Afríku,“ segir Sigurjón Arason yfirverkfræðingur hjá Matís og prófessor við Háskóla Íslands en verkefnið er unnið undir hans umsjón af Cyprian Ogombe Odoli doktorsnema frá Kenía. 

Sjá nánar í Fiskifréttum.