mánudagur, 10. ágúst 2020
 
TölublöðVenjuleg útgáfa

Tóku á móti 263.000 tonnum

18. janúar 2016 kl. 12:37

Fiskimjölsverksmiðja Síldarvinnslunnar á Seyðisfirði. Ljósm. Hákon Ernuson

Mjölverksmiðjur Síldarvinnslunnar fengu 62% meira hráefni en árið á undan.

Árið 2015 var hagstætt fyrir fiskimjölsiðnaðinn og tóku fiskimjölsverksmiðjurnar þrjár sem Síldarvinnslan á og rekur á móti rúmlega 263 þúsund tonnum af hráefni. Á árinu 2014 var móttekið hráefni þeirra tæplega 162 þúsund tonn. Helsta ástæða aukningarinnar er sú að loðnuveiðin var mun meiri árið 2015 en 2014. Á vef Síldarvinnslunnar eru birtar eftirfarandi upplýsingar um móttekið hráefni hverrar verksmiðju á árinu 2015 og einnig upplýsingar um framleiðslu þeirra á mjöli og lýsi. 

                      Móttekið magn hráefnis           Framleitt mjöl              Framleitt lýsi 

Neskaupstaður             145.911                      28.674                             8.821 

Seyðisfjörður                73.928                         15.216                             2.400 

Helguvík                      43.656                            8.414                             3.398 

Samtals                      263.495                         52.294                            14.619

 Til samanburðar má geta þess að á árinu 2014 tók verksmiðjan í Neskaupstað á móti 110.215 tonnum af hráefni, verksmiðjan á Seyðisfirði 24.283 tonnum og verksmiðjan í Helguvík 27.273 tonnum.