fimmtudagur, 24. júní 2021
 
TölublöðVenjuleg útgáfa

Vaðandi makríll á Breiðafirði

27. júní 2012 kl. 12:58

Makríll (Mynd: Þorbjörn Víglundsson).

Útlit fyrir gríðarlegt magn, segja trillukarlar.

Mikið magn af makríl er á stóru svæði á Breiðafirðinum samkvæmt upplýsingunum frá Guðbrandi Björgvinssyni sem hefur ásamt syni sínum, verið á skaki á svæðinu í vikunni. „Það er gaman að sjá hvernig sjórinn kraumar á stóru svæði í logninu. Það er útlit fyrir að hér sé gríðarlegt magn af makríl,“ segir Guðbrandur í samtali á heimasíðu LÍÚ

Veðrið hefur verið með eindæmum gott á þessum slóðum og því mikið líf í firðinum. Þeir feðgar eru á handfærabátnum Arnari öðrum á svæðinu, ásamt fjölda annarra handfærabáta. „Stórþorskurinn er orðinn fullur af makríl. Þetta er hér út um allt," segir Guðbrandur.