sunnudagur, 25. ágúst 2019
 
TölublöðVenjuleg útgáfa

Valka kynnir nýja laxaskurðvél í Brussel

9. maí 2019 kl. 10:45

Helgi Hjálmarsson, framkvæmdastjóri Völku, útskýrir hönnunina á bakvið vélina fyrir Kristjáni Þór Júlíussyni, sjávarútvegsráðherra. Mynd/Valka

Sveigjanleiki nýju vélarinnar er sagt gera framleiðendum kleift að framleiða nýjar vörur sem áður var ómögulegt.

Kristján Þór Júlíusson, sjávarútvegs- og landbúnaðarráðherra, gangsetti nýja vatnsskurðarvél frá hátæknifyrirtækinu Völku á Seafood Processing Global sýningunni í Brussel í gær.

Vélin er sérstaklega hönnuð til þess að fjarlægja bein og skera laxaflök og er búin tveimur röntgenmyndavélum sem sjá beinin í þrívídd. Eins tveimur hallandi skurðarspíssum sem ná einstakri nákvæmni í skurðinum, að sögn framleiðanda.

Þetta kemur fram í tilkynningu frá fyrirtækinu.

Hingað til hafa laxaframleiðendur þurft að bíða þar til fiskurinn hefur lokið dauðastirðnun og tína beinin úr eftirá. Með skurðarvélinni er hægt fjarlægja beinin strax eftir flökun.

Það lengir líftíma vörunnar og sveigjanleiki vélarinnar gerir framleiðendum kleift að framleiða nýjar vörur sem áður var ómögulegt.

„Við erum mjög stolt af því að hafa kynnt nýju laxaskurðarvélina okkar á sýningunni í Brussel. Og við erum spennt að hefja samstarf við laxaframleiðendur í að hámarka flakanýtingu og við framleiðslu á nýjum hágæðavörum,“ sagði Helgi Hjálmarsson, framkvæmdastjóri Völku við þetta tækifæri.

Um Völku

Valka hefur frá upphafi einbeitt sér að því að auka afköst, bæta nýtingu og meðhöndlum hráefnis hjá viðskiptavinum með því að auka sjálfvirkni og notar til þess nýjustu tækni hverju sinni. Fyrirtækið hefur verið í örum vexti og tvöfaldaðist velta Völku árið 2018 frá fyrra ári.

Valka starfar á alþjóðamarkaði og selur vörur og þjónustu víðsvegar í Evrópu og Bandaríkjunum. Hjá Völku starfa um áttatíu sérhæfðir starfsmenn í því að hanna og framleiða kerfislausnir fyrir fiskvinnslur á landi og sjó.

Hér má lesa nýja umfjöllun Fiskifrétta um starfsemi Völku.