föstudagur, 17. september 2021
 
TölublöðVenjuleg útgáfa

Veiði heldur minnkandi á úthafskarfamiðunum

27. maí 2013 kl. 14:25

Úthafskarfaveiðar. (Mynd: Hjalti Gunnarsson).

Bræla skollin á og bræluspá næsta sólarhring.

Frystitogarinn Barði NK hefur að undanförnu verið á úthafskarfaveiðum á Reykjaneshrygg og aflað vel.  Skipið hefur nú hætt veiðum og er á landleið. Veiðin hefur farið heldur minnkandi, skollin á bræla og er bræluspá fyrir næsta sólarhring, að því er segir á vef Síldarvinnslunnar.  

Þessi veiðiferð Barða mun taka alls 20 daga og þar af hafa 6 dagar farið í siglingu. Heildaraflinn í öllum túrnum er 560 tonn upp úr sjó en skipið millilandaði í Hafnarfirði 18. maí sl.

Barði heldur ekki til úthafskarfaveiða á ný. Næst verður haldið í grálúðu- og ufsatúr hinn 3. júní nk.