þriðjudagur, 22. júní 2021
 
TölublöðVenjuleg útgáfa

Veiðigjald greitt af lönduðum afla

4. september 2015 kl. 10:40

Löndun á Stöðvarfirði

Þeir sem taka kvóta á leigu þurfa auk þess að greiða veiðigjald af því sem veitt verður.

Á vef Landssambands smábátaeigenda er minnt á að veiðigjöld séu ekki lengur innheimt af úthlutuðu aflamarki, heldur er innheimt veiðigjald af lönduðum afla.

Breytingin leiðir m.a. af sér að þeir sem taka kvóta á leigu þurfa auk þess að borga leiguna að greiða veiðigjald af því sem veitt verður. 

Greiðslutímabil veiðigjalds er almanaksmánuður með gjalddaga 1. hvers mánaðar vegna veiða næstsíðasta mánaðar, þ.e. afla sem landað er í janúar kemur til greiðslu í mars.

Mánaðarlegt greiðslufyrirkomulag kemur til framkvæmda 1. janúar 2016.

Álagt veiðigjald fyrir afla frá 1. september til 31. desember kemur til greiðslu 1. febrúar 2016.

Sjá nánar á vef LS.