þriðjudagur, 15. júní 2021
 
TölublöðVenjuleg útgáfa

Verð á makríl í Noregi lægra en í fyrra

5. september 2012 kl. 13:13

Makríll

Makrílveiðar Norðmanna eru að hefjast fyrir alvöru

ff

Makrílveiðar Norðmanna eru að hefjast fyrir alvöru. Fyrstu nótaskipin hafa landað afla sínum en verð á markríl hefur lækkað, að því er kemur fram á vef samtaka norskra útvegsmanna.

Reyndar hafa minni makrílbátar í Noregi verið að veiðum undanfarið en norska síldarsamlagið fékk fyrstu tilkynningar um afla stærri nótaskipa nýverið. Þrjú skip fengu samtals um 1.000 tonn.

Staðan er erfið á mörkuðum fyrir makrílafurðir og það hefur áhrif á fiskverð. Verð fyrir makríl sem fékkst á uppboði hjá norska síldarsamlaginu nú er næstum helmingi lægra en á sama tíma í fyrra. Verðið er nánast það sama og það var í upphafi vertíðar árið 2010, eða 6 til 7 krónur á kíló (127 til 148 ISK). Fyrir tveimur árum hækkaði makrílverðið þegar leið á haustið og norskir fiskimenn vonast til þess að það sama gerist í ár.