þriðjudagur, 15. júní 2021
 
TölublöðVenjuleg útgáfa

Verðmæti uppsjávarafla jókst um 68%

23. júní 2011 kl. 12:30

Loðna (Mynd: Þorbjörn Víglundsson).

Heildaraflaverðmæti jan.-mars nam 37 milljörðum sem er 3% hækkun milli ára.

Aflaverðmæti íslenskra skipa nam 37,4 milljörðum króna á fyrstu þremur mánuðum ársins 2011 samanborið við 36,4 milljarða á sama tímabili 2010. Aflaverðmæti hefur því aukist um 1 milljarð eða 2,8% á milli ára.

Verðmæti uppsjávarafla jókst um 68,3% milli ára og nam tæpum 10,8 milljörðum en var 6,4 milljarða í sömu mánuðum í fyrra. Verðmætaaukninguna má rekja til aukins loðnuafla. Verðmæti hans nam 8,7 milljörðum króna og jókst um 248% milli ára.

Aflaverðmæti botnfisks var í lok mars orðið 23 milljarðar og dróst saman um 15% frá sama tíma í fyrra. Verðmæti þorskafla var 14 milljarðar og dróst saman um 10% frá fyrra ári. Aflaverðmæti ýsu nam 3,4 milljörðum sem er 29% samdráttur frá fyrra ári. Aflaverðmæti karfa nam 2,8 milljörðum, sem er 28% samdráttur frá fyrstu þremur mánuðum ársins 2010. Verðmæti flatfiskafla nam rúmum 2,8 milljörðum króna í janúar til mars 2011, sem er 31% aukning frá fyrra ári. 

Sjá nánar á vef Hagstofu Íslands.