mánudagur, 14. júní 2021
 
TölublöðVenjuleg útgáfa

Vilja koma í veg fyrir brottkast í Skagerrak

26. mars 2012 kl. 12:31

Danskir fiskibátar í höfn.

14 milljónum danskra króna varið í eftirlitsmyndavélar og fleira

Margt bendir til þess að með hjálp eftirlitsmyndavéla heyri brottkast hjá dönskum fiskibátum í Skagerrak sögunni til frá og með 1. janúar 2013, að því er fram kemur í frétt í danska ríkissjónvarpinu.

Danski matvælaráðherrann, Mette Gjerskov, hefur eyrnarmerkt 14 milljónir danskra króna (316 milljónir ISK) í verkefnið. Mette Gjerskov segir það vera mikilvægt að menn geri sér grein fyrir þeirri sóun sem felist í því kasta fiski í  sjóinn. Því eigi að sjá til þess að fiskiskip komi með allan afla sinn í land. Því markmiði megi meðal annars ná með eftirlitsmyndavélum um borð.

Þá hafa Danir, Norðmenn og Svíar undirritað samkomulag sem miðar að því að koma í veg fyrir brottkast við veiðar í Skagerrak.