föstudagur, 23. júlí 2021
 
TölublöðVenjuleg útgáfa

Vísir hf. kaupir búnað frá Marel í allar starfsstöðvar hér á landi

13. júlí 2011 kl. 10:41

Jón Þór Hallgrímsson, Andrés Óskarsson, Pétur Hafsteinn Pálsson, Páll H. Pálsson, Óskar Óskarsson og Guðjón Stefánsson við undirritun samningsins.

Stærsti einstaka sala Marels á búnaði til íslensks sjávarútvegsfyrirtækis

Útgerðar- og fiskvinnslufyrirtækið Vísir hf., sem er með höfuðstöðvar í Grindavík, hefur undirritað samning um kaup á vinnslubúnaði frá Marel í allar fjórar landvinnslueiningar sínar. Um er að ræða vinnslulínu, skurðarvélar, samvalsflokkara, hráefnisflokkara og vogir, ásamt Innova hugbúnaði.

Í fréttatilkynningu frá Marel kemur fram að hér sé um að ræða stærstu einstöku sölu á búnaði til íslensks sjávarútvegsfyrirtækis.

Stærstur hluti vinnslubúnaðarins verður settur upp í starfsstöð Vísis á Húsavík til endurnýjunar á eldri búnaði en einnig verður settur upp búnaður á Djúpavogi og Þingeyri. Nýi búnaðurinn mun bæta mjög alla aðstöðu starfsfólks ásamt því að auka framleiðslugetu og nýtingu í framleiðslu á ferskum fiski til útflutnings.