sunnudagur, 13. júní 2021
 
TölublöðVenjuleg útgáfa

Yfirlýsing frá Vilhjálmi Vilhjálmssyni vegna forstjóraskipta

29. júní 2018 kl. 00:01

Vilhjálmur Vilhjálmsson

Mun ekki tjá sig frekar um starfslok sín.

Vilhjálmur Vilhjálmsson hefur sent frá sér tilkynningu þar sem hann segir frá þeirri ákvörðun sinni að tjá sig ekki forstjóraskipti og starfslok sín hjá HB Granda. Gengið hafi verið frá starfslokum hans hjá félaginu og því nauðsynlegt að horfa fram á veginn.

Hann segir þó í tilkynningu sinni að hann vilji koma eftirfarandi á framfæri:

Þó ég hafi haft fullan hug á að starfa áfram hjá HB Granda kveð ég starfið með miklu þakklæti. Það hafa verið forréttindi að fá að taka þátt í og vinna að þeim mikilvægu breytingum sem félagið hefur gengið í gegnum á undanförnum árum.

Mína vegferð innan félagsins má rekja 18 ár aftur í tímann til ársins 2000 þegar ég var ráðinn sem skrifstofustjóri hjá Tanga hf. á Vopnafirði sem síðar sameinaðist HB Granda hf. Síðan þá hef ég tekið þátt í uppbyggingu félagsins í gegnum miklar breytingar, hæðir og lægðir

Á þessum tímamótum eru mér efst í huga þau forréttindi að hafa fengið að vinna með því frábæra fólki sem ég hef kynnst í starfi mínu innan félagsins og utan.

Með ofangreint í huga kveð ég starfið fullur þakklætis og óska starfsfólki HB Granda og félaginu sjálfu alls hins besta, segir Vilhjálmur.