sunnudagur, 19. september 2021
 
TölublöðVenjuleg útgáfa

Ýsa á sama verði og þorskur

17. maí 2013 kl. 10:28

Ýsuflökun. Mynd: Guðjón Einarsson.

Vaxandi markaður fyrir ýsu í Bandaríkjunum

 

Þegar rýnt var í útflutningsverðmæti fyrsta ársfjórðungs kom ýmislegt forvitnilegt í ljós. Það vekur t.d. mikla athygli að útflutningsverð á ferskri ýsu er komið í þorskverð. Á sama tímabili í fyrra var þorskurinn seldur á 18% hærra verði en fékkst fyrir ýsuna. 

 

Þessar upplýsingar koma frá á vef Landssambands smábátaeigefnda. Í ár hefur ýsan hækkað í verði á sama tíma og þorskverð hefur gefið eftir. Viðsnúningur hefur orðið í kaupendahópnum á ýsu. Á fyrstu þrem mánuðum ársins höfðu 42% af ýsunni verið seld til Bandaríkjanna á móti 26% á sama tíma í fyrra. Aukningin kom niður á Bretum sem fengu aðeins um þriðjung af ýsunni en voru með um helming alls magnsins á fyrsta ársfjórðungi í fyrra, segir ennfremur á vef LS.