sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

1671 tonn af þorski og 454 tonn af steinbít ónotuð af línuívilnun

9. september 2008 kl. 07:40

Höfum við efni á að láta detta niður ónotað 1.671 tonn af veiðiheimildum í þorski og 454 tonn af steinbít? spyr Björn Jónsson sérfræðingur hjá LÍÚ í greinargerð sem hann hefur tekið saman og birt er á vef samtakanna.

Máli sínu til stuðnings bendir hann á að stór hluti úthlutunar vegna línuívilnunar í þorski og steinbít hafi dottið niður ónotuð á síðasta fiskveiðiári. Höfum við efni á því Íslendingar að 1,28% af þorskkvótanum og 3,63% af steinbítskvótanum sé ekki veiddur? spyr Björn.

Aflamark fyrir fiskveiðiárið 2007/2008 var skert um 3375 tonn af þorski og 894 tonn af steinbít vegna línuívilnunar.

Samkvæmt upplýsingum frá Fiskistofa 5. september fyrir fiskveiðiárið 2007/2008 kemur í ljós að töluvert magn af þessum heimildum hafa ekki verið notaðar. Þannig falla niður ónotaðar heimildir alls 1.671 tonn af þorski og 454 tonn af steinbít á fiskveiðiárinu 2007/2008.

Á fiskveiðiárinu þar áður 2006/2007 féllu niður alls ónotuð 920 tonn af þorski og 344 tonn af steinbít. Sjá nánar töflu um nýtingu línuívilnunarinnar á vef LÍÚ, - HÉR