sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Á kolmunnaveiðum djúpt vestur af Írlandi

10. mars 2009 kl. 12:39

Öll þrjú uppsjávarveiðiskip HB Granda eru nú farin til kolmunnaveiða á hafsvæðinu djúpt vestur af Írlandi. Ingunn AK komin á miðin sl. fimmtudagskvöld og Lundey NS sólarhring síðar. Faxi RE lét úr höfn sl. sunnudag og var von á skipinu á veiðisvæðið nú um hádegisbilið.

Að sögn Vilhjálms Vilhjálmssonar, deildarstjóra uppsjávarsviðs HB Granda, hefur veðráttan og slæmt sjólag gert skipverjum á Ingunni og Lundey erfitt fyrir við veiðarnar en þokkalegur afli hefur fengist inn á milli.

,,Skipin eru nú stödd á um 55°N og 17°V eða um 220 til 240 mílur vestur af Írlandi. Þarna eru íslensk skip að veiðum og einnig slangur af Rússum. Það er veiði allan sólarhringinn eða réttara sagt á öllum tímum sólarhringsins þegar veðrið gefur mönnum á annað borð færi á að vera með veiðarfærin úti,“ segir Vilhjálmur í frétt á vefsíðu HB Granda.

Þess má geta að í gærmorgun var Ingunn AK komin með 550 tonna afla í tveimur holum og Lundey NS með um 350 tonn eftir eitt hol.