sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Erlend skip veiddu 42.000 tonn við Ísland í febrúar

25. mars 2008 kl. 14:50

Alls lönduðu erlend skip 41.557 tonnum af sjávarafla úr íslensku landhelginni í febrúarmánuði síðastliðnum.

Umfangsmestar voru loðnuveiðarnar en loðnuafli erlendra skipa var 41.350 tonn. Þrjú ríki stunduðu loðnuveiðar hér við land á grundvelli tvíhliða samninga. Norðmenn voru afkastamestir með 50 skip og veiddu þau 35.759 tonn, 4 færeysk skip veiddu 3.893 tonn og eitt grænlenskt skip veiddi 1.697 tonn af loðnu.

Færeysk skip voru einnig á línuveiðum innan lögsögunnar og lönduðu þau rúmlega 208 tonnum af bolfiski. Einkum er um að ræða ýsu, tæplega 141 tonn, og þorskaflinn var rúm 35 tonn. Fiskistofa mun hér eftir birta mánaðalegar upplýsingar um afla erlendra skipa innan íslensku efnahagslögsögunnar. Engin útlend veiðiskip veiddu við Ísland í janúar sl.