sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Framlög til Hafró skert um 200 milljónir

1. október 2009 kl. 17:22

Fjárframlög til Hafrannsóknastofnunar verða 1.357 milljónir króna á næsta ári og jafngildir það 201 milljón króna lækkun að raungildi frá fjárlögum þessa árs. Þetta kemur fram í frumvarpi til fjárlaga ársins 2010 sem lagt var fram á Alþingi í dag.

Gert er ráð fyrir að dregið verði úr rannsóknum stofnunarinnar og að haustrall fari aðeins fram annað hvert ár. Einnig verði dregið úr stofnmælingum á innfjarðarækju þar sem svæðum verður fækkað ásamt því að draga úr tíðni mælinga.

Rekstrarkostnaður vegna eldisstöðvar að Stað í Grindavík verður lækkaður, sýnatökum fækkað, dregið verður úr kostnaði vegna skipaleigu og leitað leiða til þess að bæta olíunýtingu rannsóknaskipsins Árna Friðrikssonar.

Þá er gert ráð fyrir að tímabundið 50 milljóna króna framlag í fjárlögum 2008 til þess að betrumbæta togararallið falli niður. Loks fellur niður tímabundið 32 milljóna króna framlag vegna rannsókna á Drekasvæðinu.