miðvikudagur, 25. apríl 2018
 
TölublöðVenjuleg útgáfa

Frekari gagna aflað um síldveiðar í Vestmannaeyjahöfn

24. mars 2009 kl. 17:33

Sjávarútvegsráðuneytið hefur óskað eftir því við Hafrannsóknastofnun að afla enn frekari gagna um ástandið í höfninni í samstarfi við heimamenn og Heilbrigðiseftirlit Suðurlands, til þess að unnt sé að meta þá mengunarhættu af síld í höfninni sem bæjaryfirvöld í Vestmannaeyjum hafa áhyggjur af.

Niðurstöður munu liggja fyrir innan fárra daga og mun ráðuneytið þá taka ákvörðun um framhaldið.

Í bréfi ráðuneytisins segir:

,,Ráðuneytið vísar til umfjöllunar um veiði á sýktri síld í Vestmannaeyjahöfn í síðustu viku. Veiðar þessar voru leyfðar tímabundið á grundvelli umsagnar Heilbrigðiseftirlits Suðurlands með skilyrði um sýnatöku af síldinni undir eftirliti Hafrannsóknastofnunarinnar. Veidd voru 500-600 tonn í þessu skyni. Eftir rannsókn lagðist stofnunin gegn áframhaldandi veiðum, þar sem hún hefur verulegur áhyggjur af síldarstofninum og telur nokkrar líkur á að síldin gangi út úr höfninni. Talið er að rúmlega fjórðungur síldarinnar (27%) sé ósýktur og mikilvægt að vernda þann hluta. Það þarf því mjög ríka ástæðu til að víkja frá gildandi veiðireglum og verndunar¬sjónarmiðum. Á þessum grundvelli stöðvaði ráðuneytið veiðarnar.

Bæjarstjórinn í Vestmannaeyjum hefur með bréfi dags. 21. mars mótmælt þessari stöðvun og krafist áframhaldandi heimildar til veiða og jafnframt hefur borist ítrekuð umsögn Heilbrigðis¬eftirlits Suðurlands, þar sem tekið er undir kröfu bæjarstjórans.