sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Fyrsta loðnan veidd við Noreg

25. janúar 2009 kl. 11:04

eftir fimm ára loðnuveiðibann

Norsku loðnuskipin Brennholm og Mögsterfjord eru á leið til hafnar í Noregi með loðnu sem þau fengu um 100 sjómílur NNV af Nordkapp. Þetta markar tímamót því fimm ár eru síðan síðast var veidd loðna í Barentshafi í atvinnuskyni, þar sem veiðibann hefur ríkt þennan tíma.

Fyrrnefnda skipið kom með 1.000 tonna farm og hið síðarnenda með 740 tonn. Um var að ræða stóra og fallega loðnu, 37-40 stk. í kílóinu. Búið er að bjóða í farmana og fékk annað skipið 2,38 NOK fyrir kílóið (43 ISK) og hitt 1,99 NOK (36 ISK), að því er fram kemur á vef Fiskeribladet/Fiskaren í morgun.

Hrognahlutfall í loðnunni er lágt eða 4-6%, eins og vænta má á þessum árstíma.

Norska loðnan fer til vinnslu og verður í samkeppni á mörkuðum við íslenska loðnu sem vonandi fer brátt að veiðast, en Íslendingar notið góðs af því á undanförnum árum að loðnuveiðibann hefur verið í Barentshafi.