mánudagur, 24. september 2018
 
TölublöðVenjuleg útgáfa

Góð kolmunnaveiði í færeysku lögsögunni

14. apríl 2009 kl. 16:57

Kolmunnaveiðar skipa HB Granda gengu vel um páskana að sögn Vilhjálms Vilhjálmssonar, deildarstjóra uppsjávarsviðs félagsins. Skipin eru að veiðum syðst í færeysku lögsögunni og nemur heildarafli þeirra á árinu 18.400 tonnum. Þar með á aðeins eftir að veiða um 5.800 tonn af kolmunnakvóta félagsins.

Faxi RE kom með fullfermi af kolmunna til Vopnafjarðar á páskadag og er skipið nú að koma á miðin að nýju. Ingunn AK kom í morgun til Vopnafjarðar með fullfermi og von er á Lundey NS með fullfermi þangað á morgun. Það er því nóg að gera hjá starfsmönnum fiskmjölsverksmiðjunnar á Vopnafirði um þessar mundir.

Frá þessu er skýrt á heimasíðu HB Granda.