sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Gullver átti góðan marsmánuð - 550 tonn í fimm túrum

12. apríl 2018 kl. 11:24

Gullver NS við bryggju á Seyðisfirði. (Mynd: Ómar Bogason)

Verðmæti aflans tæplega 110 milljónir króna.

Ísfisktogari Síldarvinnslunnar í Neskaupstað - Gullver NS - kom til löndunar á Seyðisfirði í morgun með 102 tonn og er þorskur uppistaða aflans.

Frá þessu segir á heimasíðu fyrirtækisins en jafnframt að marsmánuður var góður hjá Gullver og var afli togarans 550 tonn í fimm veiðiferðum.

Verðmæti aflans í mánuðinum reyndist vera tæplega 110 milljónir króna.

Rúnar Gunnarsson skipstjóri segir í viðtali í frétt heimasíðunnar að vel hafi gengið að fiska í öllum marsmánuði og einnig það sem af er apríl. „Við vorum að veiða í Hvalbakshallinu í þessum túr en í síðustu þremur túrum þar á undan vorum við á Selvogsbanka. Aflinn hefur verið jafn og góður og fiskurinn sem fæst stór og fallegur. Það skiptir miklu máli að veður hefur verið gott að undanförnu, en veðurfarið í vetur reyndist okkur oft býsna erfitt,“ segir Rúnar.