miðvikudagur, 19. september 2018
 
TölublöðVenjuleg útgáfa

HB Grandi kaupir Ögurvík á 12,3 milljarða

7. september 2018 kl. 16:40

Nýr frystitogari HB Granda - til greina kemur að selja hann áður en smíði hans lýkur. Mynd/HB Grandi

Til greina kemur að selja frystitogara fyrirtækisins sem er í smíðum á Spáni. Samningsupphæðin var um fimm milljarðar króna.

HB Grandi hefur gert samning um kaup á öllu hlutafé í útgerðarfélaginu Ögurvík. Seljandi hlutafjárins er Brim hf., sem einnig er stærsti hluthafi HB Granda.

Kaupverðið er um 12,3 milljarðar króna, segir í tilkynningu frá fyrirtækinu eða 95 milljónir evra.  

Kaupin eru gerð með fyrirvara um samþykki stjórnar HB Granda hf. og hluthafafundar félagsins. Þá eru viðskiptin einnig háð samþykki Samkeppniseftirlitsins.

Kaupin verða fjármögnuð með eigin fé og lánum.

Í tilkynningunni kemur jafnframt fram að nú liggur fyrir vilji stjórnar HB Granda til að skoða sölu félagins á frystitogara sem nú er í smíðum á Spáni.