laugardagur, 26. maí 2018
 
TölublöðVenjuleg útgáfa

Hoffellið með 500 tonn af síld

19. janúar 2018 kl. 11:35

Hoffell SU (Mynd Óðinn Magnason)

Falleg og væn síld í Faxaflóadýpi.

Skip Loðnuvinnslunnar á Fáskrúðsfirði – Hoffell SU-80 - landaði á dögunum sínum fyrsta farmi á árinu. Yfir jól og áramót var skipið í vélarupptekt í Hafnarfirði,  en einnig er verið að sinna ýmsu öðru viðhaldi og endurnýjun. Meðal annars var verið að setja nýja og öflugri kraftblökk á skipið.

Á heimasíðu fyrirtækisins segir að þegar þeirri viðhaldsvinnu var lokið á dögunum var haldið til síldveiða í Faxaflóadýpi.

„Þessi fyrsti túr ársins hjá Hoffellinu gekk vel því eftir sólarhring á veiðum var aflinn kominn í 500 tonn og tímabært að leggja af stað til heimahafnar á Fáskrúðsfirði þar sem síldin fer öll til söltunnar.  

Bergur Einarsson skipstjóri sagði síldina vera fallega og væna og  aðspurður sagði Bergur einnig að veðrið hefði verið gott og túrinn hefði gengið snurðulaust fyrir sig.  Að lokinni löndun fór Hoffellið aftur til veiða á síld.