laugardagur, 17. nóvember 2018
 
TölublöðVenjuleg útgáfa

Ísland óskar upplýsinga frá ESB um fiskinnflutning

4. desember 2009 kl. 09:43

Ísland hefur í dag sent framkvæmdastjórn ESB bréf þar sem óskað er eftir upplýsingum um hvernig framkvæmd reglugerðar ESB nr. 1005/2008 um varnir gegn ólöglegum veiðum verður háttað í aðildarríkjum ESB.

Ekki hafa enn borist upplýsingar um hvaða lögbæru yfirvöld í aðildarríkjunum munu sjá um framkvæmd reglugerðarinnar og hefur það valdið íslenskum útflytjendum áhyggjum vegna þess hversu skammur tími er til gildistöku reglugerðarinnar þann 1. janúar 2010.

Af þeim sökum ákváðu íslensk yfirvöld að senda framkvæmdastjórn ESB formlegt bréf með ósk um nánari upplýsingar þar að lútandi, en þeirra hafði áður verið óskað eftir óformlegum leiðum.

Eins og áður hefur komið fram snýst málið um það að veiðivottorð skuli fylgja öllum sjávarafurðum sem fluttar eru til ESB. Þetta er liður í aðgerðum til þess að sporna gegn innflutningi á fiski veiddum með ólögmætum hætti.