laugardagur, 26. maí 2018
 
TölublöðVenjuleg útgáfa

Íslensk skip halda til kolmunnaveiða við Færeyjar

1. febrúar 2018 kl. 13:06

Beitir NK að kolmunnaveiðum. MYND/HELGI FREYR ÓLASON

Aðrir bíða niðurstaðna úr loðnumælingum

Beitir NK hélt til kolmunnaveiða í gærkvöldi, en önnur uppsjávarskip Síldarvinnslunnar bíða frétta um niðurstöðu loðnumælinga.

Heimasíða Síldarvinnslunnar sló á þráðinn til Sturlu Þórðarsonar skipstjóra á Beiti í morgun.

„Við erum á leiðinni á gráa svæðið syðst í færeysku lögsögunni, en mér skilst að þar hafi Færeyingarnir verið að fiska vel að undanförnu. Þetta er 360-370 mílna sigling á miðin. Það eru fleiri íslensk skip á leiðinni á þessi mið, ég veit um Hoffell SU og Guðrúnu Þorkelsdóttur SU“, sagði Sturla.