sunnudagur, 9. desember 2018
 
TölublöðVenjuleg útgáfa

Kolmunnaveiðarnar ganga misjafnlega

3. maí 2017 kl. 14:18

Börkur og Bjarni Ólafsson í höfn í Neskaupstað. (Mynd: Hákon Ernuson.

Togað allt upp í 18 tíma í senn og misjafnt hverju það skilar.

Kolmunnaveiðin í færeysku lögsögunni gengur misjafnlega hjá íslensku skipunum. Þau toga gjarnan lengi eða allt upp í 18 tíma en afar misjafnt er hverju togin skila. Börkur NK hóf veiðar í gær eftir að hafa landað fullfermi á Seyðisfirði og byrjaði veiðiferðin vel. Í fyrsta holi fékk hann 500 tonn eftir að hafa einungis togað í 8 tíma og er það meiri afli en almennt gerist hjá skipunum undanfarna daga.

Síðustu skipin sem komu til löndunar hjá verksmiðjum Síldarvinnslunnar í Neskaupstað og á Seyðisfirði lönduðu í gær og í fyrradag. Bjarni Ólafsson AK landaði 1.750 tonnum í Neskaupstað í fyrradag og pólska skipið Janus landaði 1.650 tonnum á Seyðisfirði í gær.

Frá þessu er greint á vef Síldarvinnslunnar.