föstudagur, 22. mars 2019
 

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi

Leggja til fullgildingu samnings um Norður-íshafið

Samningurinn var undirritaður hinn 3. október 2018 í Ilulissat á Grænlandi. Auk Íslands var samningurinn undirritaður af Bandaríkjunum, Danmörku f.h. Grænlands, Japan, Kanada, Kína, Noregi, Rússlandi og Suður-Kóreu auk ESB.

Grænlendingar virðast sáttir við hærri veiðigjöld

Tekjur Grænlands af veiðigjöldum hækka mikið með nýju kerfi. Grænlensk útgerðarfyrirtæki greiddu samtals jafnvirði 7,3 milljarða íslenskra króna í veiðigjöld á síðasta ári.


TölublöðVenjuleg útgáfa

Kvótaniðurskurði mótmælt í Vestmannaeyjum

14. júlí 2009 kl. 13:12

Helst hagsmunafélög í sjávarútvegi í Vestmannaeyjum hafa sent frá sér ályktun þar sem kvótaniðurskurði er mótmælti og skorað á sjávarútvegsráðherra að endurskoða ákvörðun sína.

Ályktunin fer hér á eftir:

Stjórnir Útvegsbændafélags Vestmannaeyja, Sjómannafélagsins Jötuns, Útvegsbændafélagsins Heimaeyjar og Skipsstjóra og stýrimannafélagsins Verðanda hvetja sjávarútvegsráðherra Jón Bjarnason að endurskoða ákvörðun um leyfilegan hámarksafla fiskveiðiárið 2009/2010.

Miðað við kvótaúthlutanir síðustu ára teljum við að niðurskurður á ýsu sé of mikill.  Fólk og fyrirtæki í sjávarútvegi geta á engan hátt búið við svo mikla sveiflu á milli ára og viljum við því skora á hæstvirtan sjávarútvegsráðherra að endurskoða ákvörðun sína. Með því verður hægt að bregðast við breytingum á þann hátt að ekki fari illa í rekstri sjávarútvegsfyrirtækjanna og afkomu sjómanna sem byggja á þessari fisktegund. Einnig er farið í of mikla skerðingu á ufsa, þar sem nær ómögulegt er að mæla þann stofn, sem er flökkustofn eins og allir sjómenn vita. Nú sem aldrei fyrr er óviðunandi að skorið sé niður um tugi prósenta þegar svo mikil óvissa er í stofnmati, þó erum við sammála um að ganga ekki of nærri fiskistofnum þjóðarinnar.

Sjávarútvegurinn gegnir lykilhlutverki í endurreisn hagkerfisins og er það mikið atriði að menn nái að nýta auðlindina sem best og hagkvæmast með sjálfbærni í huga. Varast skal hugmyndir sem lúta að algerri fiskfriðun og áróðri tengdri slíkri stefnu. Við höfum ekki efni á því !