sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Laxeldi: Hrun í Chile veldur samdrætti í framleiðslu

16. nóvember 2009 kl. 15:00

Marine Harvest, stærsti framleiðandi á eldislaxi í heiminum, gerir ráð fyrir samdrætti í viðskiptum með eldislax á næsta ári samfara aukinni eftirspurn, að því er fram kemur á vef IntraFish.

Í áætlunum fyrirtækisins er reiknað með því að viðskipti með atlantshafslax muni dragast saman í heiminum um 3-7%. Skýringin á samdrættinum er sú að sjúkdómar hafa herjað á eldislax í Chile og valdið hruni í greininni þar.

Í Noregi er hins vegar gert ráð fyrir 6-8% aukningu á næsta ári sem er þó heldur hægari vöxtur en í ár. Í heild er gert ráð fyrir að Norðmenn, sem eru langstærsta framleiðsluþjóðin, muni framleiða 790 til 820 þúsund tonn á næsta ári.

Chile hefur hingað til komið næst á eftir Noregi í laxeldinu. Árið 2008 var framleiðslan þar 390 þúsund tonn en nú er gert ráð fyrir því að hún hrapi niður í 50-70 þúsund tonn á árinu 2010.

Marine Harvest reiknar svo með að framleiðslan í Norður-Ameríku verði 115-125 þúsund tonn á næsta ári en hún er um 120 þúsund tonn í ár. Í Bretlandi er búist við 2-8% vexti og að þar verði framleidd 130-140 þúsund tonn af eldislaxi.