sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Lélegustu úthafskarfavertíðinni lokið

4. júlí 2008 kl. 13:34

Lélegustu úthafskarfavertíð skipa HB Granda frá upphafi veiðanna er lokið. Fjögur skip stunduðu veiðarnar að þessu sinni og samkvæmt upplýsingum Birkis Hrannars Hjálmarssonar, rekstrarstjóra togara félagsins, er aflasamdrátturinn milli ára um 45%.

Frá þessu er skýrt á heimasíðu HB Granda.

Að sögn Birkis fóru Örfirisey RE, Þerney RE, Helga María AK og Venus HF til úthafskarfaveiða í maí sl. Skipin komu í land fyrir sjómannadaginn en eftir hann fóru þrjú skipanna í úthafið að nýju.

Örfirisey RE fór þá til veiða á heimamiðum. Um var að ræða prufutúr þar sem reyndar voru veiðar með tveimur trollum samtímis.

„Úthafskarfavertíðin nú var ákaflega rýr. Heildaraflinn var á milli 3.100 og 3.200 tonn en til samanburðar má nefna að í fyrra var afli skipanna 5.770 tonn,“ segir Birkir en hann upplýsir að fimmti frystitogari félagsins, Höfrungur III AK, hafi það sem af er árinu verið á grálúðuveiðum og hafi þær veiðar gengið þokkalega.

„Útgerð frystitogaranna gengur orðið út á það að flýja þorskinn. Við gerðum reyndar ráðstafanir til að eiga töluvert af þorskkvótanum eftir fyrir sumarið en þrátt fyrir það er okkur vandi á höndum vegna þess hve mikið er af þorski þar sem reynt er að veiða aðrar tegundir,“ segir Birkir en að hans sögn eru það þorskurinn og hátt olíuverð sem eru helsti vandi togaraútgerðarinnar um þessar mundir.

Ekki dugi þó að væla yfir því. Þorskkvótinn hljóti að aukast á komandi árum og vonandi lækki olíuverðið frá því sem nú er.

Veiðar ísfisktogaranna Ásbjörns RE, Sturlaugs Haraldssonar AK og Ottó N. Þorlákssonar RE ganga sinn vana gang, að sögn Birkis, utan hvað ufsaveiðin hefur verið treg.

„Það er mikil áta á svæðinu og ufsinn heldur sig upp í sjó. Hann hlýtur þó að fara að gefa færi á sér áður en langt um líður,“ segir Birkir Hrannar Hjálmarsson.