sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Loðnuveiðar á lokasprettinum

16. mars 2017 kl. 22:57

Loðna

Víkingur AK fer einn túr í viðbót.

Fá skip eru á loðnuveiðum þessa dagana enda er loðnukvótinn á þrotum og loðnan fyrir vestan land byrjuð að hrygna eða komin fast að hrygningu. Uppsjávarveiðiskip HB Granda, Venus NS og Víkingur AK, eru bæði í heimahöfn með afla en til stendur að a.m.k. Víkingur fari eina veiðiferð til viðbótar. 

 Víkingur kom til hafnar á Akranesi um hádegisbil í gær með um 1.600 tonna afla sem fékkst í mörgum köstum að sögn Alberts Sveinssonar skipstjóra.

,,Það lóðaði lítið en loðnan sem fékkst var blönduð, bæði hængur og hrygna. Mér skilst að það hafi verið ágætis veiði eftir að við fórum af miðunum í gær og vonandi verður svo þegar við förum út eftir löndun,“ segir Albert á heimasíðu HB Granda. 

Venus er á Vopnafirði en þangað kom skipið laust upp úr miðnætti í nótt með um 2.400 tonna afla.,,Við fengum þennan afla fyrir vestan utan hvað við tókum eitt kast úti fyrir Skagafirði á siglingunni hingað austur. Við fengum um 200 til 300 tonn í því kasti. Loðnan var svipuð og sú fyrir vestan að því undanskildu að hrognafyllingin var töluvert minni,“ sagði Guðlaugur Jónsson skipstjóri. Hann sagði að löndun lyki væntanlega ekki fyrr en annað kvöld en framhaldið væri óráðið.