sunnudagur, 24. mars 2019
 

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.

Varpa nýju ljósi á þróunartengsl þorskfiska

Í greininni eru þróunartengsl einstakra tegunda rakin nánar, t.d. hvernig Atlantshafsþorskur blandaðist við tegundir í Íshafinu og úr varð vagleygði ufsi eða Alaskaufsi


TölublöðVenjuleg útgáfa

Perú: Spá 5% aukningu í útflutningi hefðbundinna sjávarafurða

14. september 2009 kl. 15:00

Því er spáð að útflutningur hefðbundinna sjávarafurða frá Perú árið 2010 muni nema um 1,9 milljörðum dollara eða um 240 milljörðum ísl. króna.

Útflutningur frá Perú á hefðbundnum sjávarafurðum á þessu ári er talinn verða svipaður og hann var á árinu 2008 þótt sala á mjöli og lýsi hafi dregist saman vegna heimskreppunnar. Talsmaður samtaka útflytjenda sjávarafurða í Perú spáir því hins vegar að aukningin á næsta ári verði um 5% frá árinu 2008.

Heildarútflutningur allra fiskafurða í Perú 2008 nam 2,4 milljörðum dollara, þar af var hefðbundinn útflutningur, þ.e. mjöl, lýsi, makríltegundir og ansjósur 1,8 milljarðar en nýjar tegundir 626 milljónir dollara. 5% vöxtur mun því leiða til þess að útflutningur nemi 1,9 milljörðum dollara árið 2010.

Þá er því einnig spáð að nýju tegundirnar, svo sem tilapia, vetrarflundra og fleiri tegundir eigi eftir að vinna nýja markaði erlendis fyrir sjávarafurðir frá Perú.

Heimild: IntraFish