mánudagur, 25. júní 2018
 
TölublöðVenjuleg útgáfa

SA hvetja stjórnarflokkana til að hverfa frá hugmyndum um fyrningarleið

8. maí 2009 kl. 10:45

Samtök atvinnulífsins hafa sent frá sér tilkynningu þar sem skorað er á Samfylkinguna og Vinstri hreyfinguna - grænt framboð að hverfa frá öllum hugmyndum um upptöku og uppboð aflaheimilda sjávarútvegsfyrirtækja.

„Það er mikilvægt að stöðugleiki ríki í rekstrarumhverfi sjávarútvegsfyrirtækja eins og annarra fyrirtækja,“ segir í tilkynningunni.

„Á þeim erfiðu tímum sem í hönd fara er samvinna og samstarf stjórnvalda og atvinnulífsins nauðsynlegt. Samtök atvinnulífsins eru reiðubúin til þess að eiga gott samstarf við nýja ríkisstjórn en þær aðferðir sem kynntar hafa verið gagnvart sjávarútvegi og afleiðingar þeirra tefla óhjákvæmilega slíku samstarfi í tvísýnu.“