sunnudagur, 24. mars 2019
 

Sextíu prósent smábáta aðstöðulausir

Faxaflóahafnir gerðu skoðanakönnun meðal smábátaeigenda og gefa til kynna vilja til efla smábátaútgerð og bæta hafnaraðstöðu.

Neita að afhenda Herjólf – vilja aukagreiðslur

Vegagerðin hefur hafnað kröfum skipasmíðastöðvarinnar Crist S.A. sem gerir kröfur um viðbótargreiðslu þvert á alla samninga um lokaskil verksins og aukaverk. Vegagerðin hefur leitað ráðlegginga erlendra sérfræðinga á þessu sviði varðandi viðbrögð.

Myndi aldrei rúma mikið af þorski

Landgrunnið við Ísland er allt að hundrað sinnum stærra en landgrunnið við Jan Mayen. Vistkerfi landgrunnsins við Jan Mayen myndi því aldrei rúma þorsk í neinu magni sem nálgast það sem íslenska landgrunnið ræður við.

Merkingar á þorski hafnar á ný

Nú herma fréttir að íslenskur þorskur sé farinn að veiðast við Jan Mayen. Því er nauðsynlegt að merkingar séu stundaðar reglulega þannig að hægt sé að fylgjast stöðugt með því hvort breytingar verði á fari þorsks við Ísland.

Jafn og góður afli frá áramótum

Síðustu tvö ár þurftum við að fara vestur á Selvogsbanka til að fá þorsk í mars- og aprílmánuði en nú er staðan allt önnur,“ segir Þórhallur Jónsson, skipstjóri.

Mikill vöxtur í fiskeldi

Framleidd voru 19 þúsund tonn í fiskeldi á Íslandi árið 2018 og hefur framleiðslan nær fjórfaldast á síðustu tíu árum. Þar af var framleiðslan í laxeldi um 13,5 þúsund tonn.


TölublöðVenjuleg útgáfa

Skipstjórnarmenn mæta ekki í boð sjávarútvegsráðherra

27. nóvember 2009 kl. 10:29

Vegna ákvörunar ríkisstjórnarinnar um afnám sjómannaafsláttar samþykkti þing Farmanna- og fiskimannasambands Íslands (FFSÍ) í morgun að afþakka boð sjávarútvegsráðherra sem til stóð að hann héldu þingfulltrúum síðar í dag.

Um er að ræða móttöku sem sjávarútvegsráðherra  hefur ávallt staðið að og áratuga hefð er fyrir í lok þinga sambandsins.  Þessi ályktun var samþykkt með öflugu lófataki. Það er einróma skoðun þingfullrtúa að ótækt sé að kyssa vöndinn sama dag og fram kemur frumvarp um afnám þessara sjálfsögðu 55 gömlu ára réttinda sjómannastéttarinnar, eins og segir í ályktun þingsins.

Árni Bjarnason forseti FFSÍ sagði í samtali við Fiskifréttir að þótt afkoma hluta sjómannastéttarinnar núna í augnablikinu væri loksins betri en um langt skeið væri fólk fljótt að gleyma löngu hörmungartímabili þegar svo var komið að erfitt var að manna jafnvel bestu skipin í flotanum.