mánudagur, 25. júní 2018
 
TölublöðVenjuleg útgáfa

Smábátar: Fyrsta nýsmíðin til Frakklands

31. ágúst 2009 kl. 17:14

 Bátasmiðjan Trefjar í Hafnarfirði afgreiddi nú á dögunum nýjan Cleopatra bát til Capbreton, á suðvesturströnd Frakklands.  Trúlega er hér um fyrstu nýsmíði frá Íslandi til Frakklands að ræða, að sögn Trefja. Kaupandi bátsins er Mathieu André sjómaður frá Capbreton.  

Báturinn hefur hlotið nafnið Le Dré.  Hann mælist 11 brúttótonn og er af gerðinni Cleopatra 33. Aðalvélin er Cummins 6CTA8.3M 350hp tengd ZF286IV-niðurfærslugír.  Báturinn er útbúinn fullkomnum siglingatækjum af gerðinni Furuno og Simrad og er gerður til neta- og  línuveiða samtímis. Búnaður til netaveiða er frá G.M.H. og línuveiðibúnaðurinn er frá Able. 

Rými er fyrir 14 stk 380 lítra kör í lest.  Í bátnum er upphituð stakkageymsla.  Stólar fyrir skipstjóra og háseta eru í brú.  Svefnpláss er fyrir þrjá í lúkar auk eldunaraðstöðu með eldavél, örbylgjuofn og ísskáp.

Skírnarathöfn undir stjórn Peters Bürchers biskups kaþólsku kirkjunnar á Íslandi fór fram í Hafnarfjarðarhöfn fyrir sjósetningu bátsins.

Báturinn hefur þegar hafið veiðar í Biscay flóanum.