mánudagur, 25. júní 2018
 
TölublöðVenjuleg útgáfa

Ufsinn vex í áliti

9. september 2009 kl. 16:31

Í Bretlandi hefur ávallt verið litið á ufsann sem ódýran valkost í samanburði við þorsk og ýsu, en efnahagskreppan hefur komið því til leiðar að ufsinn er nú kominn á listann yfir 10 vinsælustu fisktegundirnar.

Sea Fish Industry Authority, stofnun í Bretlandi sem annast kynningu á fiskafurðum, upplýsir að 13.000 tonn af ufsa hafi verið seld á smásölumarkaði þar í landi á síðasta ári og hafi ufsinn verið áttunda mest selda fisktegundin.

Í frétt á vef World Fishing segir að áður fyrr hafi ufsinn væri fyrsti valkostur kattareigenda í Bretlandi þegar kom að matarinnkaupum fyrir heimilisdýrið. Óhætt er að segja að nú hafi hann heldur betur fengið uppreisn æru.