þriðjudagur, 28. september 2021
 
TölublöðVenjuleg útgáfa

Aflaverðmæti dregst saman milli ára

18. október 2013 kl. 11:00

Var rúmir 90 milljarðar fyrstu sjö mánuði ársins.

Aflaverðmæti íslenskra skipa nam 90,3 milljörðum króna á fyrstu sjö mánuðum ársins 2013 samanborið við 95,7 milljarða á sama tímabili 2012. Aflaverðmæti hefur því dregist saman um tæplega 5,4 milljarða króna eða 5,6% á milli ára.

Aflaverðmæti botnfisks var tæplega 54,2 milljarðar króna og dróst saman um 8% miðað við sama tímabil í fyrra. þar af var verðmæti þorskafla um 27,7 milljarðar og dróst saman um 8% frá fyrra ári. Aflaverðmæti ýsu nam 6,8 milljörðum og dróst saman um 14,2% en verðmæti karfaaflans nam tæpum 7,9 milljörðum, sem er 8% samdráttur frá fyrstu sjö mánuðum ársins 2012. Verðmæti úthafskarfa nam 2,1 milljarði króna á fyrstu sjö mánuðum ársins og jókst um 8,4% miðað við sama tímabil í fyrra. Verðmæti ufsaaflans jókst um 2,5% milli ára og nam tæpum 5,3 milljörðum króna í janúar til júlí 2013.

Verðmæti uppsjávarafla nam tæpum 26,2 milljörðum króna í janúar til júlí 2013, sem er um 3% aukning frá fyrra ári. Þá aukningu má rekja til loðnuafla og kolmunnaafla.

 Sjá nánar á vef Hagstofunnar.