laugardagur, 19. september 2020
 
TölublöðVenjuleg útgáfa

Dræm úthafskarfaveiði á Reykjaneshrygg

13. maí 2014 kl. 15:53

Rússneskur togari myndaður úr flugvél Gæslunnar. (Mynd af vef LHG)

Fimmtán erlend skip komin á miðin.

SIF, flugvél Landhelgisgæslunnar, flaug yfir úthafskarfamiðin á Reykjaneshrygg í gær og sá 15 erlend skip. Haft var samband við skip á svæðinu til að forvitnast um aflabrögð og voru þau búin að vera dræm eða 3 – 5 tonn á sólarhring, að því er segir á vef Gæslunnar. Einnig voru dæmi um að skip væru ekki að senda frá sér merki í ferilvöktun og var nóg að endurræsa tæki og þá hófust sendingar að nýju.

Í sömu ferð hafði áhöfn flugvélarinnar afskipti af tveimur bátum sem voru staðsettir um 30-35 sml, djúpt SV af Reykjanesi og voru ekki lengur innan ferilvöktunarkerfa og þ.a.l. ekki lengur með gilt haffærisskírteini. Bátar sem gera þetta eru komnir út fyrir VHF drægi og eru því í slæmu síma og fjarskiptasambandi. Var áréttað við þá að halda sig innan svæðis.