mánudagur, 21. júní 2021
 
TölublöðVenjuleg útgáfa

Færeyingar veiddu hér 5.400 tonn af botnfiski

17. janúar 2014 kl. 12:45

Færeyskur línubátur við Ísland (Mynd: Þorgeir Baldursson).

Skyldu eftir 200 tonn af leyfilegum kvóta.

Færeyskir línu- og krókabátar veiddu á nýliðnu ári 5.397 tonn af botnfiski í íslenskri lögsögu samanborið við 5.506 tonn á síðasta ári. Leyfilegur heildarkvóti er 5.600 tonn. 

Þorskafli Færeyinga var 1.205 tonn á liðnu ári en hámarkskvótinn er 1.200 tonn. Af einstökum tegundum veiddu færeysku bátarnir  mest af þorski,  því næst kom keila, 1.016 tonn og afli í löngu var 955 tonn.

Færeysku bátarnir lönduðu mestum afla af Íslandsmiðum í september eða 1.154 tonnum en áður hafa þeir verið drýgstir við veiðarnar í júnímánuði.

Færeyskir bátar lönduðu engri lúðu á síðasta ári enda bann við lúðuveiðum við Ísland en á þar síðasta ári var aflinn 1.364 kg og 2011 var hann 17,6 tonn. Svo slysalega vildi til sl. haust að færeysk stjórnvöld sendu Fiskistofu fyrir mistök gamlar aflaupplýsingar í stað nýrra, þar á meðal um lúðuafla, en það hefur síðan verið leiðrétt. 

Sjá nánar á vef Fiskstofu.