miðvikudagur, 8. desember 2021
 
TölublöðVenjuleg útgáfa

Fjóla GK fengi mestan makrílkvóta handfærabáta

16. apríl 2015 kl. 11:00

Fjóla GK. (Mynd Vilmundur Hansen)

Þrír efstu bátarnir eru með 13% af veiðireynslunni

Fjóla GK veiddi mestan makríl allra handfærabáta á árunum 2009 til 2014. Þessi ár verða lögð til grundvallar við úthlutun á makrílkvóta handfærabáta samkvæmt makrílfrumvarpi sjávarútvegsráðherra.

Handfærabátar fá um 5% af heildarmakrílkvóta. Kvótinn í ár liggur ekki fyrir en miðað við 150 þúsund heildarkvóta fengju handfærabátarnir 7.500 tonn.

Fjóla GK veiddi alls 553 tonn af makríl á viðmiðunarárunum en reiknast með 681 tonn vegna ívilnunar sem frumkvöðlar fá, þ.e. bátar sem veiddu á árunum 2009 til 2012. Fjóla er með 4,7% veiðireynslunnar. Siggi Bessa SF kemur þar á eftir með 628 tonn með frumkvöðlaviðbótinni, eða 4,4% af heildinni. Sæhamar SH er í þriðja sæti með 3,7%.

Samanlagt eru þessir þrír bátar með tæp 13% af þeirri veiðireynslu sem gert er ráð fyrir að verði lögð til grundvallar við úthlutun á kvóta til handfærabáta. 

Sjá nánar úttekt í nýjustu Fiskifréttum.